Юлларның уңайлы булуы кирәк

Уфа юллары аз мобиль кешеләр өчен уңайлырак булачак. Моңа “Хәвефсез сыйфатлы юллар” милли проекты булышлык итәчәк. Быел җәяүлеләр машина юлы аша чыга торган 256 урында тротуарны җайлаганнар.

“Аз мобиль кешеләр – ул инвалидлар гына түгел. Алар рәтенә өлкән яшьтәге кешеләр дә, балалар да, йөкле хатыннар да керә. Җәмгысе халыкның өчтән беер өлеше була, - дип аңлата БР транспорт һәм юл хуҗалыгы министры Александр Булушев. -Ә инвалидлар республикада 300 меңнән артык”.

Әле эшчеләр Уфада җәяүлеләр чыга торган урыннарны җайлыйлар, тактиль плиткалар җәяләр, чикләүче коймалар коялар, җәяүлеләр өчен сигнал бирүче светофорлар, пандуслар урнаштыралар.