Йөрәк белән шаярырга ярамый

Ил президенты Владимир Путинның май указы белән барлыкка килгән «Сәламәтлек саклау» милли проектын тормышка ашыру кысаларында Мәсәгуть район үзәк хастаханәсе электрокардиографик модульле мониторинг системаларын алды.

Электрокардиография - йөрәк эшләгәндә барлыкка килгән электр кыры потенциалының аермасын инвазив булмаган график теркәү технологиясе.

ЭКГ-модульләрне куллану йөрәк-кан тамырлары авыруларын диагностикалаганда хаталар җибәрмәскә, пациентларга вакытында медицина ярдәмен тәэмин итәргә, госпитальгә кадәрге этапта кардиологик авыруларны дәвалауда дөрес тактиканы сайларга мөмкинлек бирә.