Моның өчен бюджеттан 9 миллиард бүленгән

2022-2023 елларда республикада 197 мәктәпне ремонтлау планлаштырыла. Бу максатларга федераль бюджеттан 9 миллиард сумнан күбрәк акча бүлеп бирелгән. Аңлашылсын өчен аңлатып үтик: элек төбәк бюджетыннан әлеге эшкә елына 600 миллион сум тирәсе бүленгән.

Хәзерге финанс кертемнәренең нәтиҗәләре күзгә күренеп тора- Белем көненә аз гына вакыт калды, укучыларны яңартылган 63 мәктәп кабул итәчәк.  

Алар арасында Түбән Троицкий авылының урта мәктәбе дә бар. Быел 20 миллионлык ярдәм белән биредә идәннәр тулысынча яңартылды-барлык уку кабинетларына экологик чиста шпунтлы такта куйдылар, укучылар дәресләр арасында ял итә торган бүлмәләргә, шулай ук коридор һәм ашханәләргә керамогранит плиткалар тезеп куйдылар, ә спортзалда идән әзерләделәр.