Йөрәк кенә, димәгез...

Мәсәгуть үзәк район дәваханәсенә биш электр кардиографы кайтарылган. Алар ил җитәкчесе Владимир Путин тарафыннан билгеләнгән “Сәламәтлек” милли проекты кысаларында сатып алынган.

Төбәкнең Сәламәтлек саклау министрлыгыннан әйтүләренчә, мондый ЭКГ-модульләр ярдәмендә, ашыгыч ярдәм машинасында ук кардиограмма төшереп, консультация өчен аларны белгечләргә җибәрергә мөмкин.

Яңа электр кардиографлары уңайлы сумкаларга салынган. Аларны поликлиника табиблары да, стационарлардагы медицина хезмәткәрләре дә куллана ала.