Заманча китапханәләр арта

Стәрлетамакның 3нче модель китапханә-филиалында виртуаль концерт залын ачу тантанасы үтте. Бу чаралар "Мәдәният" милли проекты кысаларында башкарыла һәм аны тормышка ашыруга булышлык итә.

Әлеге платформа ярдәмендә теләсә кем сәнгатькә якыная, әйдәп баручы артистларның һәм төркемнәрнең концертларын карый ала.

“Мондый проектлар территориаль киртәләрне җиңәргә, уңайлы һәм бер мәдәни киңлек булдырырга мөмкинлек бирә. Стәрлетамакта ике ел элек театр һәм концерт берләшмәсендә беренче виртуаль концерт залы ачылган иде инде ”, - дип ассызыклады шәһәр хакимияте башлыгы Рөстәм Газизов.

Китапханә залына заманча музыка җиһазлары урнаштырылган, ул классик музыка концертларын югары сыйфатлы трансляцияләргә мөмкинлек бирә. Ноутбук, телевизор һәм тавыш җиһазлары җыелмасы сатып алынган, китапханә залы яңартылган. Заманча мультимедиа җиһазлары һәм югары тизлекле Интернет тамашачыларга илнең иң яхшы концерт мәйданчыкларын гына түгел, җирле иҗат коллективлары концертларының туры эфирын  карарга да мөмкинлек бирәчәк.

Чыганак: gtrk.tv

Фото: gtrk.tv