Быел төзеп бетерәчәкләр

Караидел авылыннан Караидел һәм Дуван районнарындагы Тастүбә авылына кадәр ремонтланучы әлеге юл “Хәвефсез автомобиль юллары” милли проекты чикләрендә реконструкцияләнә.

         Юлның гомум озынлыгы — 60,9 километр. Объект 4 млрд. сумга төшәчәк. Зур төбәк проектын гамәлгә ашыруда 180 юл-төзелеш техникасы катнаша.  Махсус техникалар икешәр смена эшли.

         Бүгенге көнгә юлчылар 22,6 километр юлга — асфальт, 14,3 километрга вак таш түшәгән. Участокка кимендә 170 мең тонна асфальт-бетон катнашмасы салыначак.

         Бөтен участок буенча су торбалары һәм күперләр, элемтә һәм электр тапшыру чыбыкларын төзекләндерү эшләре дә бара.  Объектта 70тән артык су торбасы урнаштырылган, 7 күпер төзелгән. Юлчылар сентябрь ахырына кадәр Зур Бердәш елгасы аша яңа күпер төзүне төгәлләячәк.

         Яңа автомобиль юлын 2022 елның декабрендә тапшыру планлаштырылган.