Шүлгән клубын яңару көтә!

Тәтешле районының Шүлгән авылы мәдәният йорты мәдәният өлкәсе учреждениеләрен үстерү буенча чараларны тормышка ашыруга Башкортстан казнасыннан район һәм шәһәр бюджетларына субсидияләр бүлү буенча үткән конкурс сайлап алуларында җиңүче булган иде. 

   Әлеге вакытта биредә, Русия Президенты В. Путин кушуы буенча эшләнгән “Мәдәният” милли проекты кысаларында үтүче “Мәдәни мохит” федераль проекты буенча биредә зур ремонт эшләре планлаштырыла. Проект кысаларында бинага керә торган ишекләр пластиклардан ясалганына алыштырылачак, шулай ук мәдәният йортының тышкы ягы ремонтланачак, баскыч һәм тәрәзәләр алыштырылачак, түбә яңартылачак.