Сертификат белән төзеп бетәчәкләр

РФ Президенты Владимир Путинның май указларына ярашлы кабул ителгән “Торак һәм шәһәр мохите” милли проекты кысаларында быел беренче гаиләгә торак йорт төзү өчен социаль түләү сертификаты тапшырылды. Аскын авылында яшәүче Илшат һәм Эльмира Мусиннар бәхетле гаиләләрнең берсе булды.

• Һаман ышанмыйбыз! – ди Эльмира Ралиф кызы. – Сертификат алу – безнең өчен көтелмәгән хәл булды. 2016 елда торак шартларын яхшырту буенча чиратка баскан идек. Шушы еллар эчендә җир участогы алдык, үз көчебез белән төзелешне башладык. Бер эш хакына гына озак төзелә, әлбәттә. Мин әлеге вакытта бәби ялында, ирем “Империя” кибетендә администратор булып эшли.

Мусиннар гаиләсе 7 ел элек язмышларын бергә бәйләргә хәл иткән булган. Фатир арендалап яшәгәннәр. Сертификат акчасы күптән хыялланган йортларын, ниһаять, төзеп бетерергә мөмкинлек бирәчәк. Бу иркен өйне өч балалары да – ике кызлары һәм 1,5 яшьлек уллары тилмереп көтә.

• Сезне сертификат алуыгыз белән тәбриклим! – диде Аскын районы хакимияте башлыгы Динис Йосыпов. – Йортыгыз балаларның шат көлүләреннән гел яңгырап торсын!

Саннар теле белән:

2021 елда аскынлыларга дәүләт программалары кысаларында 10 сертификат бирелгән.

Чыганак: Администрация муниципального образования Аскинский район.