Флюорограф кайтачак

Русия Президенты В. Путин кушуы буенча эшләнгән “Сәламәтлек саклау” милли проекты кысаларында республикада медицина тармагының беренчел звеносын модернизацияләү эше алып барыла.

   Программага ярашлы, 2022 елның март аенда Нуриман районына санлы флюорограф кайтарылачак. Шуның белән бәйле, әле район дәваханәсенең флюорография кабинетында капиталь ремонт эшләнәчәк. Быел дәваханәгә шулай ук заманча маммограф та кайтару көтелә. Аның өчен бина инде әзер. Яңа корылмалар район халкының сәламәтлеген саклауда һичшиксез зур роль уйнаячак.