Авыллардагы иң мөһим хезмәт

   Караидел районының Иске Багазы авылында шатлыклы вакыйга булды: “Русия Почтасы”ның яңа модульле филиалы җирле халыкны хезмәтләндерә башлады. Шатлыклы чарада Караидел районы хакимияте башлыгы Айдар Шәйдуллин, социаль эшләр буенча урынбасары Рамил Вәлинуров, Караидел авыл биләмәсе башлыгы Руслан Ильясов, Почта бүлеге начальнигы һәм РДК директоры Мирза Хөсәенов катнашты.

        Владимир Путинның май указлары белән билгеләнгән  “Мәдәният” милли проектын тормышка ашыру кысаларында алынган мобиль автомобиль клубы сәхнәсеннән район мәдәният сараеның иҗат коллективы кунакларны кечкенә бәйрәм концерты белән дә сөендерде. Яңа почта бүлеген ачу авыл кешеләре өчен чын Яңа ел бүләге булды. Ул тулысынча җиһазландырылган һәм якынча 400 кешегә хезмәт күрсәтә алачак.

          Функциональлек һәм техник җиһазлар ягыннан заманча модульле комплекс шәһәр почта бүлегенә тиң һәм почта хезмәтенең тулы спектрын тәкъдим итә: почта әйберләрен кабул итү һәм җибәрү, гәзит һәм журналларга яздыру, товарларны ваклап сату, финанс операцияләрен тулы күләмдә үткәрү, шул исәптән пенсия тарату, түләүләрне кабул итү, коммуналь хезмәтләр, телефон һәм Интернет буенча түләүләрне кабул итүне оештыру.

  Район җитәкчесе Айдар Шәйдуллин : "Яңа бинада клиентларны кабул итү һәм хезмәткәрләргә уңай эш шартлары тудыру өчен барлык эшләр башкарылды. Кондиционер һәм җылыту системалары бүлеккә теләсә нинди һава торышы һәм сезонында эшләргә мөмкинлек бирә. Модуль тулысынча автоном электр челтәренә тоташтырылган, сак һәм янгын сигнализациясе белән җиһазландырылган”.