Хезмәт хакы күләме дә бик мөһим!

   Башкортстан Башлыгы Радий Хәбиров эш сәфәре белән Ишембай шәһәрендә булды һәм “Ишембай трикотажы” оешмасындагы эшләр барышы белән танышты.

   Бүгенге көндә предприятиедә бәйләү һәм буяу цехларында реконструкция эшләре бара, ремонтланган биналарга җылылык кертелә.

   -Бирегә эшләргә килсеннәр өчен хезмәт хаклары нормаль булырга тиеш, ә 15 мең түгел,- диде Радий Хәбиров.- Исәпкә алыгыз, “Алга” икьтисад зонасы җирлегендә тегү эшләре башлап җибәрелсә, кешеләр аларның тәкъдимен дә караячак. Шуңа да предприятие конкурентлыкка әзер булырга тиеш.

   “Хезмәт җитештерүчәнлеге” милли проекты кысаларында киләсе елларда биредә җитештереләчәк продукциянең күләмен һәм сыйфатын арттырырга исәплиләр.