Эшкуарларга ярдәм үзәкләре арта

Республиканың "Минем Бизнес" үзәгенең Бәләбәй, Салават һәм Учалы шәһәрләрендәге яңа вәкиллекләре төбәктә эшләп килүче кече һәм урта предприятияләренең өстәмә 15 процентына ярдәм итәчәк. Хәзерге вакытта, Башкортстанда үзәкнең Уфа, Нефтекамск, Кумертау, Октябрьский һәм Стәрлетамак шәһәрләрендә офислары бар. Моннан тыш, Октябрьскийда һәм Стәрлетамакта алар быел ачылды. Бу эш  Владимир Путинның май указлары белән билгеләнгән "Кече һәм урта предприятияләр һәм шәхси эшкуарлык инициативаларына ярдәм" милли проектын тормышка ашыру кысаларында алып барыла. "Минем Бизнес " үзәгенең офислар челтәрен киңәйтү, булган һәм булачак эшкуарларның дәүләт ярдәме алу мөмкинлеген яхшыртуга юнәлтелгән. Бүген, үзәк "бер тәрәзә" форматында 150 дән артык хезмәт күрсәтә, аның белгечләре бизнесны теркәргә, салым системасын сайларга,  үсеш алымнарын сайларга булышачак",- ди Эшкуарлык буенча дәүләт комитеты рәисе Нияз Фазыйлов.

Хәзерге вакытта яңа офислар өчен бүлмәләр сайланган, эчке дизайн эшләнә. Аларда хәзерге офисларда булган кебек очрашу бүлмәләре, хәтта балалар почмаклары өчен аерым мәйданнар булачак. Бизнес проблемалары буенча махсус консультацияләргә өстәп, килүчеләр мәгариф чараларында, мастер – классларда, форумнарда, төрле семинарларда, бизнес уеннарда һәм түгәрәк өстәлләрдә катнаша алачак. Вакыйгаларның тулы расписаниесен һәм теркәлү өчен сылтаманы сайтта "Вакыйгалар" бүлегендә табып була.

9 айлык эш нәтиҗәләре буенча, "Минем бизнесым" үзәге кече һәм урта бизнеска 4 меңнән артык хезмәт күрсәткән.

Чыганак: gtrk.tv

Фото: gtrk.tv