Киләсе елда 44 ФАП төзеләчәк

Киләсе елда республикада 44 фельдшер-акушерлык пункты төзү планлаштырыла, дип хәбәр итте төбәкнең сәламәтлек саклау министрының беренче урынбасары Азат Рәхмәтуллин.

Исегезгә төшерәбез, быел Башкортстанның Сәламәтлек саклау министрлыгы сәламәтлек саклауның беренчел звеносын модернизацияләү программасын тормышка ашыруга кереште.

Амбулатор-поликлиника учреждениеләренең ресурс базасын ныгыту өчен 2021-2025 елларда яңа объектлар төзү, шулай ук гамәлдәге объектларны реконструкцияләү һәм ремонтлау планлаштырыла. Модульле ФАПлар төбәктә Русия Президенты Владимир Путинның указы буенча барлыкка килгән «Сәламәтлек саклау» милли проектын гамәлгә ашыру нәтиҗәсендә билгеләнә.

Шулай ук Аскын, Зианчура, Стерлебаш, Тәтешле һәм Карагазы районнарында сигез ФАП һәм Туймазы белән Илеш районнарында ике табиб амбулаториясе төзү планлаштырыла.