Аренда хакы түләү кичектерелә

Кече һәм урта бизнеска федераль җирләрне арендалау буенча да ташламалар каралган. Бу карар Русия Федерациясе хөкүмәте тарафыннан кабул ителде. Түләүләрне кичектерү әлегә апрель-июнь айлары өчен каралган.

Кече һәм урта бизнесның бердәм реестрына кертелгән һәм кризис тәэсиренә дучар ителгән эшкуарлар өчен, 2020 елның апрель-июнь айларында аренда түләүләреннән азат итү турында өстәмә килешү төзергә кирәк булачак.

Сорауларыгыз булса, 8 (347) 251-18-19 телефоны аша белешмәләр алырга мөмкин. Идарәнең адресы: Уфа, Аксаков урамы, 62 санлы йорт.

Эшкуарларга ярдәм Владимир Путинның май указларына ярашлы “Кече һәм урта эшкуарлык инициативаларына ярдәм” милли проекты кысаларында башкарыла.