“Үлемсез полк” быел ничек үтәчәк?

Башкортстанның цифрлы үсеш министрлыгы “Үлемсез полк” акциясен үткәрү өчен альтернатив үткәрү өчен ярдәмче-портал ачкан. Республика Башлыгы Радий Хәбиров хәбәр итүенчә, быел яугир-фронтовикларның портретлары “Башавтотранс” автобусларының бортларына куелачак. 9 май көнне 100-130 машина колоннасы Уфа урамнары буйлап үтәчәк, дип хәбәр итте цифрлы үсеш министры Геннадий Разумикин.

Бу акциядә катнашу өчен Polk02 порталына ветеранның фотосын куярга кирәк. Әлеге вакытта Бөек Ватан сугышында катнашкан 3100 кешенең фотосурәте җибәрелгән. Башкортстан яугирләренең фотолары, шулай ук, “Үлемсез полк” махсус сайтына да куелачак.

Проект РФ Президенты Владимир Путинның май указына ярашлы “Цифрлы икътисад” милли проекты кысаларында тормышка ашырыла.

Чыганак: Башинформ.