Бабичның туган авылында - яңа китапханә

Башкортстанда “Мәдәният” милли проекты кысаларында шагыйрь Шәехзадә Бабичның туган ягында китапханәне яңартачаклар.

Дүртөйле районының Әсән авыл китапханәсе “Мәдәният” милли проектында җиңүчеләрнең берсе булган. Китапханәне 2020 елның 27 августында тантаналы рәвештә ачачаклар.

Китапханә 2019 елда Русия мәдәният министрлыгы үткәргән конкурста катнаша һәм 7,5 млн. сум күләмендә финанс ярдәме ала. Федераль бюджеттан 5 млн. сум акча бүленә. Бу акчалар яңа буын китапханәсе булдыру өчен бүленгән. Хәзер анда бөтенесе өчен дә физик мөмкинлекләренә, яшенә карамый заманча уңайлы функциональ киңлек булдырылачак. Ял итү, социаль адаптация, иҗади остаханә өчен, заманча мәгълүмат ресурсларына, мультимедияле һәм уен җиһазлары булган зоналар булачак.

Проект РФ Президенты Владимир Путинның май указына ярашлы тормышка ашырыла.

Чыганак: Башинформ.