Австрия белгечләре Уфада «Агрокомплекс " күргәзмәсендә форум уздырачак

Уфада узачак «Агрокомплекс» күргәзмәсенә Австриянең алдынгы агросәнәгать предприятиеләре делегациясе киләчәк. Башкортстан авыл хуҗалыгы министрлыгында хәбәр итүләренчә, чарада Австриянең милли стенды тәкъдим ителәчәк һәм «агросәнәгать комплексы өчен Австрия чишелешләре» уртак форумы узачак. Программаның беренче өлешендәге очрашулар вакытында, форумда катнашучылар Австрия делегациясе вәкилләре белән шәхсән танышып, Башкортстан авыл сәнәгате комплексы өчен тәкъдимнәр һәм файдалы мәгълүмат ала алачаклар.

Форумның икенче өлеше конференц-залда гомуми дискуссия рәвешендә планлаштырылган. Анда Австрия һәм Башкортстан хөкүмәтара хезмәттәшлек юнәлешләре һәм чит ил авыл хуҗалыгы индустриясе тәҗрибәсен куллану мөмкинлекләре турында фикер алышу булачак.

Австрия-Башкортстан форумы 17 мартта, 14.00 сәгатьтән 18.00 сәгатькә кадәр эшлиячәк.

Әлеге чаралар Владимир Путинның май указларына ярашлы “Халыкара кооперация һәм экспорт” милли проектын тормышка ашыру кысаларында башкарыла.