Туризмны үстерүгә игътибар арта

“Быел без шәһәребездә туризмны үстерү концепциясен формалаштырдык, - диде Уфа хакимияте башлыгы урынбасары Николай Фадеев. - Эшлекле туризм төп юнәлешле буларак билгеләнде. Шуның белән беррәттән сәнәгать туризмы да өметле юнәлешлеләр рәтендә. Уфаның җитештерү мөмкинлекләре зур булуын исәпкә алып, ныклы ышаныч белән туризмның мондый төрен үстерергә кирәк дип әйтергә була”.

Республикада “Эчке һәм тышкы туризмны үстерү” милли проектлары кысаларында бу килешүләр бик тә мөһим. Әлеге вакытта башкаланың җитештерү комплексы 130 зур һәм уртача зурлыктагы предприятиеләрдән тора. Шулар исәбендә – 4 000ләп кече һәм урта бизнес җитештерүчеләр.

Уфабызга ел саен берәр миллион кеше килеп китә. Шуларның 80-90 % - бизнес-туристлар. Алар эш буенча да, күргәзмәләргә, форумнарга, башка корпоратив чараларга килә.