Тиешле акчаларын кайтарып алганнар

Дәүләкән үзәк район дәваханәсендә хезмәт салучы 82 медик сәламәтлек саклау өлкәсендәге профсоюз хезмәткәрләре ярдәмендә зарарлы шартларда эшләгән өчен гарантияле түләүне кайтару хокукына ирешкәннәр.

Медицина хезмәткәрләре профсоюзга коллектив мөрәҗәгатьне агымдагы елның мартында ук җибәргән булганнар. Моннан соң тиешле оешмалар тарафыннан планнан тыш рәвештә хезмәт шартларын бәяләү процедурасы үткәрелгән. Нәтиҗәдә, хокук бозулар расланган.

Участок педиатрлары, терапевтлар һәм шәфкать туташлары, ФАП фельдшерлары һәм Ивановка авыл табиблык амбулаториясе хезмәткәрләренең зыянлы шартларда эшләп, бөтенләй өстәмә акчаларны бөтенләй алмавы билгеле булган. Хәзер ул окладка 4 процент күләмендә өстәлә, ә отпуск көннәре 28дән 42 көнгә кадәр арткан.