Безне иң актив төбәк дип тапканнар

Ачыграк итеп әйткәндә, 2020 елга президент грантлары конкурсына тәкъдим ителгән проектлар саны буенча Башкортстан, Мәскәүдән һәм Санкт-Петербургны санамаганда, иң актив төбәк булып табылган. Президент грантлары фондына безнең төбәктән 386 проект килгән, дип хәбәр итәләр республиканың Җәмәгатьчелек палатасында.

Икенче урында – Волгоград өлкәсе – алардан 378 проект килгән. Өченче урында – Белгород өлкәсе – 349 инициатива. Конкурска заявкалар кабул итү 25 ноябрьдә тәмамланган. Аның катнашучылары – илнең барлык төбәкләреннән 7 946 коммерцияле булмаган оешмалар. Барлыгы 9 308 проект тәкъдим иткән.

Грантлар конкурсында иң популяр юнәлеш – гадәттәгечә “Гражданнарның сәламәтлеген саклау, сәламәт яшәү рәвешен пропагандалау” – 17 % проект.

Конкурс нәтиҗәләре 2020 елның 21 февралендә билгеле була.