Сахалинга табиб булып барыр идегезме?

Медицина өлкәсендә эшләүче югары белемле табиблар һәм фармацевтлар уртача 79 мең 75 сум акча ала икән. Бу күрсәткеч 2019 елның гыйнвар-сентябрь айларына туры килә.

Иң югары эш хаклары Чукотка (187,9 мең сум) һәм Ямал Ненец ( 182,7 мең сум) автономия округларында эшләүче табибларда, дип хәбәр итә Росстат.

Ненец автоном округында -166,7 мең сум, Сахалин өлкәсендә - 158 мең., Магаданда - 150 мең һәм Мәскәүдә - 142,4 мең сум тәшкил итә. Иң түбән эш хаклары Ингушетиядә - 43,4 мең сум, төньяк Осетиядә - 44,7 мең., Кабарды-Балкарда һәм Карачаево-Черкесиядә 45 мең сум тәшкил иткән.

Былтыр бу вакытка уртача эш хакы 73,9 мең сум булган.