Гомер озынлыгы арта дигән булалар, ә без һаман кимибез...

Агымдагы елга федераль бюджетның үтәлешен анализлаган вакытта РФ Исәп палатасы Русия халкының тизрәк кими башлавын билгеләгән. Контроль ведомство биргән мәгълүматларга караганда, халыкның кимүе менә инде дүртенче ел рәттән тизләшә бара. Биредә шулай ук Русиянең кайсы төбәкләрендә бәбиләрнең азрак яки күбрәк тууы да әйтелә.

1 сентябрьгә Русиядә даими яшәүчеләр саны 146,7 миллион кеше теркәлгән. Бу ел башындагы белән чагыштырганда, 52,5 мең кешегә кимрәк. Хәтта миграция үсеше дә югалтуны тик 76 процентка гына каплый алган...