Тәүлегенә күпме тоз ашарга?

Русия Сәламәтлек саклау министрлыгы бөтендөнья сәламәтлек саклау оешмасы күрсәтмәләренә ярашлы тоз куллануның тәүлеклек нормасын билгеләгән. Бу турыда РФ Сәламәтлек саклау министры урынбасары Олег Салагай үзенең Telegram-каналында язган.

“Бөтендөнья сәламәтлек саклау оешмасы тозны тәүлегенә 5 граммнан артык кулланмаска киңәш итә”, - дип язган ул. Тозны 2-3 тапкыр артык куллану йөрәк-кан тамырлары чирләренә китерергә мөмкин. Салагай әйтүенчә, тозны никадәр азрак куллансаң, шулкадәр яхшырак. Ул йодлаштырылган булырга тиеш, организмга йод җитмәгән очракта чирләр килеп чыга.

#национальныепроекты; #нацпроекты;