Календарьда тагын бер бәйрәм

БР Хөкүмәте премьер-министрның беренче урынбасары Андрей Назаров 4 ноябрь - Халыклар бердәмлеге көне уңаеннан үткән тантанада республикада Милли киемнәр көнен булдырырга тәкъдим итте.

Бәйрәмне календарьда теркәү өчен кирәкле документлар әзер. Ул елына ике тапкыр билгеләнеп үтәчәк – апрельнең өченче җомгасы һәм сентябрь аеның икенче җомгасы.

“Безнең республикада 164 милләт вәкиле яши. Һәркайсының үз тарихы, үз мәдәнияте бар. “Милли киемнәр бәйрәме”н булдыру - күпмилләтле республикабыз халкының үзара дуслыгын ныгыту һәм ата-бабаларыбызны, тамырларыбызны барлау, тарихыбызны онытмау, гореф-гадәтләрен киләчәк буынга җиткерү өчен әһәмиятле роль уйный”, - диде төбәкнең вице-премьеры.