Алданган өлешчеләр файдасына

Башкортстанда өлешләп түләү юлы белән фатир сатып алып алданучыларның проблемаларын чишү өчен 175 млн. сум акча бүленәчәк. Ул акчалар быел Гражданнар хокукларын яклау фондына күчереләчәк.

БР Дәүләт Җыелышы—Корылтай рәисе Константин Толкачев белдерүенчә, әлеге Фонд федераль дәрәҗәдә төзелә. Фондның 88 процент өлеше — федераль чыганаклар, 12 проценты төбәкләр исәбенә формалашачак. Мәсәлән, быел 175 миллион сумы Башкортстанныкы булса, акчаларның калган өлеше федераль фондтан киләчәк.

Акча чыганаклары федераль стандартларга туры килгән проблемалы төзелешләрне тәмамлауга бүленәчәк.