Ярый әле әзер булганбыз!

“Цифра”га күчүдә республиканың әзерлеге югары дәрәҗәдә бәяләнде.

Башкортстан күчешнең 4нче этабына эләкте. Санлы телевидениегә күчкәнче вакыт аралыгында күбрәк кешеләр федераль телевидение каналларының тапшыру формасы үзгәрүен тойсын өчен байтак эш эшләнде”, - дип белдерде Уфада РФнең санлы үсеш, элемтә һәм массакүләм коммуникацияләр министры урынбасары Алексей Волин Дәүләт Җыелышы-Корылтай депутатлары, Русиянең төбәк телерадиокомпанияләре вәкилләре белән очрашуда.

Волин урындагы “кайнар линия” эшенә игътибар итте. Бу линия цифрлы телевидениегә күчкәндә килеп туган проблемаларны оператив хәл итәр өчен булдырылган махсус сервис.

БР нәшрият һәм массакүләм мәгълүмат чаралары буенча агентлык җитәкчесе Борис Мелкоедов белдерүенчә, кайнар линиягә шалтыратучыларны бер генә сорау кызыксындырган: цифрлы телевидениегә ничек күчәргә?