1 миллиард сумга поликлиника төзеләчәк

Уфада Куватов исемендәге Республика клиник дәваханәсенең яңа поликлиника корпусы төзеләчәк.
Әле Башкортстан властьлары подрядчы оешма эзләү белән мәшгуль. Документлар буенча фикер йөрткәндә, проектны республика бюджеты финанслаячак. Төзелеш эшләренең гомум суммасы 1,044 миллиард сумга барып басачак. Заказчы – БРның капиталь төзелеш идарәсе – аукционны 24 октябрьгә билгеләгән.
Подрядчыдан поликлиниканы куллануга тапшырганчыга кадәрге бар эшләрне алып бару, шулай ук 5 елга гарантия бирү таләп ителә.