80 яшькә җитәрбезме?

Ил җитәкчесе Владимир Путин “2030 нчы елга, Русиядә гомер озынлыгы 80 яшькә җитәргә, ә милли проектларны уңышлы тормышка ашырганда, 2024 нче елга ул кимендә 78 яшь тәшкил итәргә тиеш”, - дип чыгыш ясады. Гомер озынлыгы төрле төбәкләрдә берничә елга аерыла. Озын гомерлеләрнең күпчелеге Кавказ якларында теркәлә. Моны экология чисталыгы, тәмәке тартмау һәм каты спиртлы эчемлекләрне сирәгрәк, ә сыйфатлы шәраб һәм яшелчә-җимешне ешрак куллану белән бәйлиләр.

Республиканың Хөкүмәт рәисе урынбасары Ленара Иванова “Сәламәтлек сәгате”ндә “Милли проектларда күрсәтелгән гомер озынлыгына ирешер өчен, гражданнарыбызның гомерләрен саклауны 40 тапкырга арттырырга кирәк”, - дип чыгыш ясады. Мәгълүм булуынча, соңгы бер елда, Русия буенча үлүчеләрнең туучылардан күбрәк булуы күзәтелә. Шулай булгач, уртача гомер озынлыгын 80 яшькәчә җиткерү әлегә тормышка ашмастай авыр мәсьәлә булып кала.

#национальныепроекты; #нацпроекты; #региональныепроекты; #регпроекты; #нацпроектыБашкортостан; #ВладимирПутин