Артабызмы, кимибезме?

РФ иктисади үсеше министры Максим Орешкин БМОның Русия буенча демография мәсьәләсенә кагылышлы фаразларын чагыштырып карады.

Яхшы якка үзгәрешләр бар, дип билгели министр. “БМО 2050 елда Русиядә 101,5 миллион кеше яшәячәк, дип фаразлый иде. Бүген инде алар 135,8 миллион кеше булачак", - ди ул.

"Илдә алып барылган социаль-икътисади сәясәт нәтиҗәсе соңгы 15 елда 34,3 миллион кеше артуга китерә. Бер дә начар күрсәткеч түгел. Арытаба да эшләргә кирәк”, – дип яза министр социаль челтәрдәге сәхифәсендә.