Колледж үсеш юлында

Уфа радиоэлектроника, телекоммуникацияләр һәм хәвефсезлек колледжы “Мәгариф” милли проекты кысаларында яңа уку дисциплиналары булдыра.

2018 елда бу колледж “Мәгариф үсеше” дәүләт программасы чараларын тормышка ашыру кысаларында федераль бюджеттан субсидия формасында грант откан иде. Федераль бюджеттан бирелгән субсидия күләме –19,9 млн сум, төбәк бюджетыннан – 20 млн сум, мәгариф оешмасы бюджетыннан 1,2 млн сум тәшкил итте.

Проект профессиональ белем бирү өлкәсендә аеруча таләп ителгән һәм перспективалы белгечлекләр үсешен тәэмин итүче мәгълүмати һәм коммуникацион технологияләр үзәге булдырырга ярдәм итте.

Укыту-җитештерү корылмалары исәпләү үзәген җиһазландыру, 12 лаборатория һәм 2 остаханә, шулай ук уку һәм җитештерү практикасын үткәрү өчен тәгаенләнгән.

Белем бирү учреждениесенең матди-техник базасын үстерү 153 яңа уку урыны булдыруга, укыту процессында кулланыла торган корылмалар санын 650гә арттыруга, шул исәптән электрон укыту һәм читтән торып белем бирү технологияләрен камилләштерүче 33 корылма алуга булышлык итте.

Алынган җиһазлар ярдәмендә профессиональ әзерлек, квалификация күтәрү һәм яңадан укыту программалары эшләнгән.

Укыту сыйфатын арттырудан тыш, проект иннавацион технологияләр һәм укыту методикаларын таратуга юнәлтелгән.

Исегезгә төшерәбез, Владимир Путин стратегик үсеш һәм милли проектлар буенча Президент каршындагы Совет утырышы барышында халыкның милли проектлардан конкрет нәтиҗәләрен көтүен хәтерләренә төшерде. Монда балалар бакчаларында урын булдыру, авылларда яңа фельдшер-акушерлык пунктлары һәм мәдәният йортлары ачу, мәктәп биналарын яхшырту, техникум һәм колледжларны модернизацияләү, квалификация арттыру һәм яңадан укыту буенча программалар эшләтү (бу аеруча пенсия алдында торган кешеләр һәм яшь әниләр өчен әһәмиятле), заманча цифрлы форматта уңайлы һәм файдаланырлык дәүләт ярдәме булдыру турында сүз бара.

национальныепроекты; #нацпроекты; #региональныепроекты; #регпроекты; #нацпроектыБашкортостан; #ВладимирПутин