Мәктәптә бөтен шартлар тудырылган

Башкортстан Республикасы башлыгы вазифасын вакытлыча башкаручы Радий Хәбиров Стәрлетамак районының Рощинский поселогында урындагы мәктәп белән балалар бакчасы белән танышты. Мәктәп укучылары республика җитәкчесенә Башкортстан картинасын һәм парусник моделен бүләк итте. Радий Фәрит улы кышкы бакча, музей һәм мәктәпнең бассейнын карады.

Бүгенге көндә Рощинский мәктәбендә 350 бала белем ала. Мәктәп директоры Алмаз Сәлимҗанов әйтүенчә, сыйфатлы белем бирү өчен бөтен шартлар да тудырылган.

Шулай ук, балалар бакчасының үз бассейны бар. Бакча мөдире Радий Фәрит улыннан уен зонасын һәм балалар мәйданын йомшак резина капламга алмаштыруда ярдәм күрсәтүен үтенде.

#национальныепроекты; #нацпроекты; #региональныепроекты; #регпроекты; #нацпроектыБашкортостан; #ВладимирПутин