Студентлар конструкторлык бюросын төзүгә федераль грант оттылар

Уфаның вузара кампусы резиденты студентлар конструкторлык бюросын төзүгә федераль грант отты.

Вузара студентлар кампусы резиденты, Уфа дәүләт нефть техник университеты Русия Мәгариф һәм фән министрлыгының конкурс сайлап алуында җиңүче вузлар рәтенә керде. Югары уку йорты “Робототехник һәм интеллектуаль системаларның комплекслы инженериясе” студентлар конструкторлык бюросын булдыру һәм үстерүгә грант алачак. Эшенең төп мәйданчыгы вузара кампус булачак.

УГНТУ студентлар конструкторлык бюросы интеллектуаль идарә һәм компьютер күрү белән үзебезнең робототехник комплексларны эшләү һәм сәнәгый кертүгә кадәр җиткерү белән шөгыльләнәчәк. Фәнни-тикшеренү һәм тәҗрибә-конструкторлык эшләре индустриаль партнерлар бурычлары буенча үткәреләчәк. Хәзерге вакытта бу исемлектә – 8 предприятие.

– Безнең вузара кампуста студентларның конструкторлык бюросын төзү – инженерлык компетенцияләрен үстерүдә һәм сәнәгатькә үзебезнең технологик чишелешләрне кертүдә мөһим адым. Бүген предприятиеләргә заманча технологияләрне кулланып кына калмыйча, конкрет җитештерү бурычлары өчен яңа эшләнмәләр булдырырга сәләтле белгечләр кирәк. Университетның индустриаль партнерлар белән хезмәттәшлеге белем бирү процессын предприятиеләрнең реаль ихтыяҗларына якынайтырга һәм югары технологияле тармаклар өчен кадрлар резервын формалаштырырга мөмкинлек бирәчәк, – ди Башкортстан Хөкүмәте Премьер-министры Александр Шельдяев.