Башкортстан проекты дәрәҗәле форумның Топ-100 инициативасына кергән

Ул педагогик профильдәге урта һөнәри белемне тәмамлаучыларны эшкә урнаштыруны озата баруның комплекслы системасыннан гыйбарәт. Идея форумның көндезге өлешендә тәкъдим ителде.

Проект педагогик кадрлар кытлыгының кискен проблемасын гамәли чишү буларак уйланылган һәм төзелгән, ул теманы тикшерүгә, эксперт фикер алышуларына нигезләнгән, дип билгеләп үтә Башкортстанның Гаилә, хезмәт һәм халыкны социаль яклау министры Ольга Кабанова.

 — Без чыгарылыш сыйныф укучыларын, шул исәптән педагогика көллиятләрен системалы рәвештә эшкә урнаштыруны җайга салуны максат итеп куябыз. Моның өчен ведомствоара консенсус булдырылды: бәйләнештә республика министрлыкларыннан, мәшгульлек хезмәтләреннән һәм мәгариф оешмаларыннан төп экспертлар эшли, цифрлы инструментлар тоташтырылган. Проектның максат — һөнәр буенча мәшгульлек дәрәҗәсен агымдагы 40-45%тан ким дигәндә 2026 ел ахырына 70%ка кадәр күтәрү. Практика ихтыяҗлы булыр, дип уйлыйм. 

Фото: БР Хөкүмәте рәсми порталы.