Кызыл дипломнарын Мәскәүгә барып алганнар

Уфа вузара кампусы резидентларын тәмамлаучыларга Бөтенрусия педагогика балында кызыл дипломнар тапшырдылар.

Мәскәүдә Бөтенрусия педагогик балы узды, анда илнең педагогик югары уку йортларын тәмамлаучылар кызыл дипломнар алдылар. Тантаналы чара Мәскәү дәүләт педагогия университетында узды һәм Русия халыклары бердәмлеге елына багышланды.

Балда илнең төрле төбәкләреннән укуда, фәндә, проект һәм иҗтимагый эшчәнлектә югары нәтиҗәләр күрсәткән 400 студент катнашты. Дипломнарны Русия Хөкүмәте Рәисе урынбасары Дмитрий Чернышенко һәм Русия мәгариф министры Сергей Кравцов тапшырды.

Чарада Уфа вузара кампусы резиденты – М.Акмулла исемендәге университеттан ике чыгарылыш студенты катнашты. Алар – Физика, математика, цифрлы һәм нанотехнологияләр институтының магистратурасын тәмамлаган, Русия Президенты стипендиаты Марат Ишмөхәммәтов һәм “География һәм биология” юнәлешен тәмамлаган Арина Ушаридзе.

Чыгарылыш студентларының Бөтенрусия педагогика балында катнашуы – булачак педагогларны әзерләү сыйфатын тану, диләр университетта.