Нефть университеты һәм Газпромбанк хезмәттәшлек турында килеште

Уфаның вузара кампусы резиденты индустриаль партнер белән берлектә технологик эшкуарлыкны үстерәчәк.

Технологик эшкуарлык өлкәсендә үзара хезмәттәшлек буенча юл картасын вузара кампус резиденты, Уфа дәүләт нефть техник университеты һәм Газпромбанкның Уфа дирекциясе раслады. Тантаналы имзалау кампуста узды.

Юл картасы чаралары планында – югары уку йортлары хезмәткәрләрен дә, студентларны да җәлеп иткән дистәдән артык проект. Студентлар һәм яшь галимнәрнең технологик лидерлык челтәр клубының бер өлеше булу мөмкинлеге барлыкка киләчәк.

– Ил Президенты илнең технологик лидерлыгын тәэмин итү бурычын куйды, ә без “Приоритет-2030” федераль университетлар үсеше программасының төп партнеры булып торабыз. Без стандарт булмаган яңа проектлар эзлибез һәм нефть университетында туа торган идеяләрне хупларга әзербез. Тоташ ил буйлап Нефть университетында да гамәлгә ашырылырга мөмкин булган гадәти булмаган эшләнмәләр бар, һәм, киресенчә, университет студентлары һәм аспирантлары проектлары яңа продуктлар, технологияләр, бизнес булдыру өчен кулланыла алыр иде, – ди Газпромбанкның Уфа дирекциясе директоры Айдар Зөбәеров.

УДНТУ ректоры Олег Баулин билгеләп үткәнчә, Уфа нефть университеты – илдә технологик эшкуарлыкны үстерү буенча лидерларның берсе, һәм ул хезмәттәшлекнең яңа формаларына ачык.