Мәгариф министрлыгы мәктәпләрдә уку вакытын арттыру идеясен бәяләде

Мәктәпләрдә уку вакытын арттыру идеясе турында сөйләгәндә, мөмкин булган рискларны һәм башка мәсьәләләрне өйрәнергә кирәк, дип хәбәр итте Мәгариф министрлыгы.

"Теләсә нинди яңа инициатива җентекле фикер алышу һәм экспертиза узарга, профессиональ бергәлекнең, ата-аналарның һәм укучыларның үзләренең фикерен исәпкә алырга тиеш. Үзгәрешләрнең мөмкин булган нәтиҗәләрен бәяләү, рискларны һәм өстенлекләрне ачыклау мөһим", — дип белдерделәр ведомствода.

Мәктәпләрдә уку вакытын 11дән 12 елга кадәр озайту тәкъдиме белән Иҗтимагый палата секретаре урынбасары Владислав Гриб чыгыш ясады. Аның фикеренчә, укуны алты яшьтән башларга кирәк.

Министрлык билгеләп үткәнчә, унбер еллык белем бирү мәктәп программасын нәтиҗәле үзләштерергә мөмкинлек бирә. Ул укучыларның яшенә туры килерлек һәм һәркайсының үсеш үзенчәлекләрен исәпкә алырлык итеп төзелгән.

Фото: "РИА Новости".