“Бигрәк тә авиатөзелеш тармагы белән кызыксыналар...”

Югары уку йортлары арасындагы кампус резиденты Уфа университетының урта һөнәри белем бирү институты укучыларны бюджет урыннарына кабул итүне тәмамлады. Кабул ителгән 355 абитуриентның 138е «УМПО», «Гидравлика» , «УАПО», «УППО»  предприятиеләренә эшкә урнашу буенча максатлы килешүләргә кул куйган.

    Абитуриентлар арасында авиатөзелеш юнәлеше буенча оборона - сәнәгать комплексы предприятиеләре өчен максатлы урыннар булган белгечлекләр нык популяр:  «Машина төзелеше технологиясе», «Авиация двигательләре җитештерү», «Электрон җайланмалар һәм системалар эшләү».

    Башкортстан Республикасы Хөкүмәте Премьер-министры урынбасары - БР сәнәгать, энергетика һәм инновацияләр министры Александр Шельдяев шулай ук яшьләрнең авиатөзелеш өлкәсендәге белгечлекләр белән кызыксынуын билгеләп үтте.

- Авиатөзелеш тармагы өчен кадрлар әзерләү үзәге үз миссиясен үти – хезмәт базарында кирәкле сыйфатлы һөнәри белем бирә. «Профессионалитет» федераль проекты чыгарылыш укучыларын эшкә урнаштыруны гарантияли. УУНиТ республиканың әйдәп баручы предприятиеләре белән күптәннән һәм нәтиҗәле хезмәттәшлек итә, һәм безнең зур вуз студентлары белән максатчан килешүләр төзү – бу хезмәттәшлекнең төп юнәлешләренең берсе.

    Яңа уку елында бюджет нигезендә укырга 355 бала кабул ителгән.