Яхшы укучыларга югары стипендияләр биреләчәк

Мәктәпне уңышлы тәмамлаучыларны – олимпиада җиңүчеләрен һәм БДИда югары балл җыючыларны бүләкләячәкләр.

 Уфаның вузара студентлар кампусы вуз-резидентлары мәктәпне уңышлы тәмамлаучыларны бүләкләячәкләр. Әйтик, УФТУ югары БДИ баллары белән яки олимпиадаларда җиңүчеләр һәм призерлар статусында кергән беренче курс студентларын югары стипендия көтә. Югары балл җыючылар ай саен 15 000 сумга кадәр акча алачак. Русия Мәгариф һәм фән министрлыгы билгеләгән тәртиптә уздырыла торган укучылар олимпиадаларында җиңүчеләр һәм призерлар - 55 000 сум, ә Бөтенрусия укучылар олимпиадасының йомгаклау этабында җиңүчеләр һәм призерлар һәм РФ җыелма командалары әгъзалары – 85 000 сумга лаек була.

Әйткәндәй, Уфа университеты студентлары Русия Федерациясе Президенты һәм Хөкүмәте, Башкортстан Республикасы Башлыгы стипендияләрен, шулай ук Р.Р. Мәүлетов, Ю. А. Гагарин, В.П. Лесунов, Д. Ю. Маслюков исемендәге стипендияләрне алу конкурсларында катнаша алалар. Булачак белгечләрне Русиянең әйдәп баручы компанияләре һәм банклары да бүләкли.

 М.Акмулла исемендәге БДПУның иң яхшы беренче курс студентлары да

50 000 сумга кадәр махсус стипендия алачак. Педагогика университеты 2025 елда бакалавриат һәм специалитетның 1 курсына кергән студентлар өчен махсус шартлар тәкъдим итә. Бөтенрусия укучылар олимпиадасында җиңүчеләр яки призерлар ай саен 50 000 сум акчалата бүләккә лаек.

Акмулла олимпиадасының йомгаклау этабында 75 һәм аннан югарырак уртача балл алган җиңүчеләр аена 10 000 сум алачак, әгәр уртача балл 75тән түбән булса – 2 500 сум. Башкорт теле буенча төбәкара олимпиадада 75 баллга һәм аннан да югарырак БДИ тапшырган җиңүчеләрне яки призерларны ай саен 10 000 сумлык стипендия көтә. Мәктәп укучыларының төньяк-көнчыгыш олимпиадасының йомгаклау этабы җиңүчеләре яки призерларына –аена 2500 сум. Көндезге бүлеккә бюджетка кергән, имтиханын  йөз балга тапшырганнарга 100 балл җыйган һәр фән өчен аена 25 000 сум өстәмә түләү каралган.

Яңа уку елында республиканың Баш педагогия югары уку йортында мондый ярдәмне 25 беренче курс студенты алачак. Уфа дәүләт нефть техник университетында беренче курска алынган» олимпиадниклар һәм югары балл җыючылар  ай саен 100 000 сумга кадәр арттырылган стипендияләр алалар. Мәсәлән, Бөтенрусия укучылар олимпиадасында җиңүчеләргә һәм призерларга дәүләт академия стипендиясенә (ГАС) өстәмә рәвештә беренче уку елына 80 000 сум күләмендә УГНТУ исемле айлык стипендия билгеләнә. Бу чорда Русия Мәгариф һәм фән Министрлыгы билгеләгән тәртиптә уздырыла торган мәктәп укучылары олимпиадаларында җиңүчеләр һәм призерлар өстәмә 50 000 сум ала. БДИ баллары суммасы 250 балл һәм аннан югарырак булган беренче курс студентларына беренче семестрга ай саен 10 000 сум күләмендә стипендия билгеләнә. Әгәр имтиханнарның берсе буенча кичәге укучы 95 баллдан артык җыйса, стипендия аена 15 000 сум тәшкил итәчәк.

Икенче курстан башлап, уку һәм фәнни эшчәнлекләрендә зур уңышларга ирешкән укучылар РФ Президенты һәм Хөкүмәте стипендияләре, шулай ук төрле исемле стипендияләр алу конкурсларында катнашалар. Финанс ярдәменнән тыш, Башкортстанның нефть югары уку йорты югары балл җыючыларны һәм студент-олимпиадачыларны университетта укуның бөтен чоры дәвамында шәхсән озатып йөрүне оештыра.

Югары баллар белән яки олимпиадаларда җиңүче һәм призер статусында кергән Башкорт дәүләт медицина университетының беренче курс студентларын да югары стипендия көтә. 270 һәм аннан да күбрәк баллы абитуриентлар ай саен 10 000 сум күләмендә түләү алачак. БДИ нәтиҗәләре буенча 100 балл җыйганнар (берәр имтихан) – 20 000 сум. «Призвание – Медицина» олимпиадасында җиңүчеләргә һәм призерларга ай саен 10 000 сумнан 25 000 сумга кадәр, мәктәп укучыларының перечневой олимпиадасында җиңүчеләргә – 40 000 сумнан 50 000 сумга кадәр. Иң югары стипендия Бөтенрусия укучылар олимпиадасында җиңүчеләрдә булачак - 100 000 сум. БашДУда да талантлы балаларга ярдәм итү буенча җитди программа гамәлдә. Мәсәлән, аграр вузга 190-209 балл белән кергән студентлар ай саен –11 000 сум, 210 һәм аннан югарырак балл белән килүчеләр 16 500 сум стипендиягә дәгъва итә алалар, ә 230 балл булганда беренче курс студентына стипендиягә бер тапкыр 50 мең сум түләнә.  Бөтенроссия олимпиадасында җиңүче укучыларга һәм йөз баллыларга бер мәртәбә бирелә торган түләү - 100 000 сум.

- Шунысы игътибарга лаек, Башкортстан Республикасы югары уку йортлары БДИның югары баллы студентларын, олимпиада һәм конкурсларда катнашучыларны актив рәвештә бүләклиләр һәм дәртләндерәләр. Мондый ярдәм аларның хезмәтен һәм талантын гадел бәяләп кенә калмый, ә бөтен төбәкнең интеллектуаль потенциалын үстерү өчен көчле стимул тудыра, аның киләчәк лидерлыгына инвестицияләр кертә, – дип билгеләп үтә БР Фән һәм югары белем бирү буенча Дәүләт комитеты рәисе Светлана Мостафина

Исегезгә төшерәбез, Уфаның вузара кампусында Башкортстан Республикасының биш университеты лабораторияләре эшли: Уфа фән һәм технологияләр университеты, Русия Сәламәтлек саклау министрлыгының Башкорт дәүләт медицина университеты, Уфа дәүләт нефть техник университеты, Башкорт дәүләт аграр университеты, М.Акмулла исемендәге Башкорт дәүләт педагогика университеты, шулай ук индустриаль партнерлар офислары һәм Евразия фәнни-мәгариф университеты дөнья дәрәҗәсендәге үзәк.