Бездә күпме яшь галим бар?

Уфадагы барган съездның әһәмияте шунда: ул яшь галимнәргә күзгә-күз карап аралашу, фикер алышу, тәҗрибә уртаклашу мөмкинлеге бирә. Съезд барган өч көн вакыт эчендә анда катнашучылар төрле дискуссия мәйданчыклары һәм стратегик сессияләр эшендә, яңа проектлар булдыруда катнашалар.

   Шунысы да куанычлы хәл: республика яшь галимнәргә ярдәм итү өчен шактый акчалар бүлеп бирә, яшь галимнәр өчен премияләр һ. б. өстенлекләр каралган. Дәүләтнең игътибарын күреп, яшьләр дә фәнгә теләп килә.Галимнәр аудиториясе дә, Башкортстан Башлыгы Радий Хәбиров әйткәнчә, елдан-ел яшәрә. Хәзерге вакытта Башкортстанда 4,5 мең тирәсе тикшеренүче фәнни эшчәнлек белән мәшгуль, шуларның 2,5 меңнән артыгы – 39 яшькә кадәрге яшь галимнәр. АларБашкортстан югары уку йортларында укыган, һөнәр алган, монда яшәвен һәм үсүен дәвам иткән кешеләр.

Фото: bashinform.ru