Уфада яшь галимнәр съезды узачак

Агымдагы елның 2 июленнән 4 июленә кадәр Башкортстан башкаласында яшь галимнәрнең XIII Бөтенрусия съезды оештыралачак.

Чараны уздыруның төп максаты-яшь галимнәрне җәмгыять һәм илебез үсешенең мөһим бурычларын хәл итүгә җәлеп итү. Яшь галимнәр советлары һәм студентлар фәнни җәмгыятьләре съезды ел саен Русия Федерациясе Президенты йөкләмәсе буенча уздырыла һәм фән һәм технологияләр унъеллыгы чаралары исәбенә кертелде.

Елдан-ел съездда катнашучылар һәм спикерлар саны арта. Съезд Русия яшь галимнәре һәм үз тормышын фән белән галим яки идарәче сыйфатында бәйләргә ниятләгән барлык кешеләр өчен төп һөнәри чарага әверелә. Съездда катнашучыларның төп өлешен гадәттәгечә бөтен илдән яшь галимнәр советы һәм студентларның фәнни җәмгыятьләре вәкилләре тәшкил итә.

"Башкортстан-Идел буе федераль округында иң яшь республика. Бездә миллионнан артык яшь егет һәм кыз яши. Ә Уфа-студентлар, яшь галимнәр, инноваторлар шәһәре. Ул башка төбәкләрдән һәм илләрдән яшьләрне җәлеп итә. Һәм без яшь галимнәр һәм студентларның фәнни җәмгыятьләре советларының XIII Бөтенрусия съездын горурлык белән кабул итәбез – Русиядә фән үсеше өчен мөһим вакыйга. Республика яшь галимнәргә ярдәм итү чаралары буенча илдә лидерга әйләнде. Без Евразия фәнни-белем бирү үзәге вузара студентлар кампусын төзибез, яңа яшьләр лабораторияләре ачабыз, инновацион инфраструктура объектларын төзибез, индустриаль партнерларны җәлеп итәбез. Һәм яшьләрнең безнең киләчәгебез икәнен нык беләбез", - ди Башкортстан Республикасы башлыгы Радий Хәбиров.