Яшьләр заманга яраклаша белергә тиеш

Уфада «Яшь белгеч – киләчәкне төзүче» тармак форумы узды.

Уфада вузара кампус мәйданчыгында узган «Яшь белгеч – киләчәкне төзүче» төп тармак форумы 500дән артык мәктәп укучысын һәм республиканың профильле уку йортлары студентларын җыйды, дип хәбәр итә төбәк хөкүмәте матбугат хезмәте.

Яшьләр төзелеш форумы «УралСтройИндустрия» форумы кысаларында 20 һәм 21 февральдә узды. Русия Төзелеш һәм торак-коммуналь хуҗалык министры урынбасары Константин Михайлик фикеренчә, заман таләпләренә дөрес яраклаша белү бүген бик мөһим.

- Ясалма интеллект, заманча технологияләр-шулай ук үзенә күрә бер адаптация, һәм аны яшь белгечләр уздырырга тиеш, — диде ул форумда. -Нәкъ менә сез бизнес-процессларны яңача карый аласыз, анда уникаль технологияләрне, карарларны интеграцияли аласыз, ә безнең бурыч – Сезгә дөрес вектор бирү. Бу форум нәкъ менә шул турыда. Булачак төзүчеләргә иң мөһим юллама-диварларны ватудан, күперләр төзүдән, берләшүдән һәм тармакны үзгәртүдән курыкмагыз. Ышаныгыз, тармак моны көтә. Республика Хөкүмәте вице – премьеры Рөстәм Газизов ассызыклаганча, Башкортостан-илнең төзелеш тармагында лидер төбәкләрнең берсе. - Яшьләрне системалы фикерләүне үстерергә, җитештерү процессының асылына чумарга, стандарт булмаган чишелешләр табарга чакырам, - диде ул. — Берничә елдан республиканың төзелеш тармагы актив, максатчан яшь белгечләр белән тулыланыр дип өметләнәм».

Форум нәтиҗәләре буенча 10 студент производство практикасына һәм стажировкага сертификатлар алды.

Фото: БР Хөкүмәте матбугат хезмәте.