Укытучыга хөрмәт көн саен кирәк

Илеш районы Югары Яркәй авылында Дан монументы каршында Укытучыга багышланган арт-объект ачылды. Тынгысыз хезмәт иясе – укытучы һөнәренә хөрмәт билгесе ул.

Аннан соң район мәдәният сараенда Укытучылар көненә багышланган тантаналы бәйрәм чарасы узды. Анда Илеш районы педагогларына бүләкләр тапшырылды, җылы рәхмәт сүзләре җиткерелде.

Әйе, бәйрәм күңелле уза ул. Иң мөһиме, укытучыга хөрмәт сынлаштырылган арт-объект рәвешендә һәм аны ачканда гына түгел, ә көн саен күрсәтелсен иде.