«Ел укытучысы-2023». Абсолют җиңүчесе кем?

Зур нәтиҗәләр күрсәттеләр.

Бүген  «Торатау» Конгресс-холлында һөнәри осталыкка көч сынашкан педагоголарны тәбрикләү чарасы узды. "Ел укытучысы -2023” кем дисезме, дуслар. Ул  – Уфа шәһәренең 39нчы гимназиясенең  математика укытучысы Артем Баянов.

Шулай ук бүген "Ел укытучысы – 2023”  төбәкара конкурсының «Татар теле һәм әдәбияты укытучысы – 2023 », «Башкорт теле һәм әдәбияты укытучысы – 2023», «Башкортстан ел укытучысы», шулай ук  «Дистанцион белем бирү укытучысы» республика конкурсына йомгак ясалды.

 «Башкорт теле һәм әдәбияты укытучысы – 2023» төбәкара конкурсында Башкортстаннан, Курган, Чиләбе, Ырынбур, Юграның Ханты-Манси автоном округыннан 61 педагог катнашты.

Гомумән «Ел укытучысы-2023» республика конкурсында 150 дән артык (башлангыч сыйныф, чит телләр, тарих һәм җәмгыять, рус теле һәм әдәбияты, физик культура, химия, биология, математика, физика буенча укытучы) мөгаллим катнашты.

Нәтиҗәләр шундый:

"Ел укытучысы -2023” – Уфа шәһәренең 39нчы гимназиясенең математика укытучысы Артем Равил улы Баянов.

Артем Равил улы быел көз Мәскәүдә Башкортстан данын яклаячак.

"Рус теле һәм әдәбияты ел укытучысы -2023” – Сәгыйтов Эмиль Ришат улы. Ул Уфаның 45 санлы мәктәбе укытучысы.

«Татар теле һәм әдәбияты укытучысы» –Зөлфия Җәмил кызы Мансурова (Бүздәк районы Каран авылы мәктәбе укытучысы).

 
4 укытучы «Татар теле һәм әдәбияты укытучысы»  конкурсының лауреатлары булды.
1. Закирҗанова Эльза Габделкавый кызы (Караидел районы, Яугилде мәктәбе);
2. Махиянова Айгөл Рәсим кызы (Миякә районы, Кыргыз-Миякә авылының Абдуллин исемендәге 1 санлы мәктәбе);
3. Шәфыйкова Алия Ринат кызы (Нефтекама шәһәренең 2 санлы мәктәбе);
4. Якупова Зөлфия Фәнис кызы (Советлар Союзы каһарманы Валентин Дмитриевич Паширов исемендәге Кушнаренко 1санлы мәктәбе).

 «Дистанцион белем бирү укытучысы» республика конкурсы җиңүчесе –
Сажидә Равил кызы Җәлилова (сәламәтлекләре чикләнгән балалар өчен Бакалы коррекцион мәктәп-интернатының башлангыч сыйныфлар укытучысы).

 
«Елның яшь укытучысы» – Швалёв Валерий Викторович булды. Ул Дуван районы, Дуван авылының Советлар Союзы Герое Михляев исемендәге мәктәпнең тарих укытучысы.

«Башкорт теле һәм әдәбияты укытучысы – 2023» бәйгесенең абсолют җиңүчесе Нефтекама шәһәренең «Башкорт гимназиясе»нең башкорт теле һәм әдәбияты укытучысы) Гүзәл Сәгыйт кызы Гайсина.

Хөрмәтле укытучыларны зур җиңүләре белән котлыйбыз. Арытаба да зур уңышлар, иҗади хезмәт нәтиҗәләре телибез!