Кытай белән дуслык ныгый

Кичә Русиягә Кытай халык республикасы рәисе Си Цзиньпин килде.

Җитәкчеләр илләр арасында фәнни тикшеренү өлкәсендә хезмәттәшлекне ныгыту турында килештеләр. Евразия фәнни-мәгариф үзәге университетларының Кытай партнерлары белән фәнни-мәгариф хезмәттәшлеге – әйдәүче юнәлешләрнең берсе.

Бүген ике якның да хезмәттәшлекне үстерүдә кызыксынуы бар.

“Кытай – глобаль масштабта безнең стратегик партнер. Хәзер безнең Кытай белән ныклы фәнни элемтә, уңай нәтиҗәләр бар. Башкортстан һәм Кытай арасында хезмәттәшлек бар юнәлешләр буенча да үсә. Элемтәләрнең асылына килгәндә, алар, әлбәттә, тәү чиратта – академик тәҗрибә уртаклашу”, – ди Башкортстан Башлыгының фән мәсьәләләре буенча киңәшчесе Руслан Казыйханов.