БДИны бетерерләрме?

Дәүләт Думасы депутаты Солтан Хамзаев вице-премьер Татьяна Голиковадан Мәгариф министрлыгына БДИны бетерү мәсьәләсен йөкләүне үтенде. Солтан Хамзаев сүзләренчә, БДИ "Көнбатыш калькасы" Русиягә туры килмәвен аңлатучы тәҗрибә буларак кына файдалы.

"Һәр тармакта креатив һәм үсешкән яшьләр классы урынына, уйлый белә торган, батыр идея һәм карарларга сәләтләре булган кешеләр урынына без "тестлар"да фикер йөртә белми торган балалар үстерәбез", - ди чиновник. Хамзаев Голикованы Мәгариф министрлыгына БДИны бетерүгә карата позициясен формалаштырырга йөкләмә бирүен чакырды.

Депутат шулай ук парламентарийлар, "битараф булмаган экспертлар, Русия профессурасы белән мәгариф системасында чынлап та мәгънәле үзгәрешләр булдыру мөмкинлеген өйрәнергә" кирәк дип саный. 

Моңа кадәр Дәүләт Думасы, парламентның түбәнге палатасы вице-спикеры Петр Толстой белдерүенчә, БДИны бетерү мөмкинлеге өйрәнелә һәм өйрәнеләчәк. Парламентарий БДИны бетерү ихтималын Владимир Путинның традицион белем бирү системасына кайту турындагы сүзләре белән бәйләде.

Чыганак: lenta.ru