Евразия фән һәм мәгариф үзәге төзелешенә тагын бер адым

16 июньдә, Санкт-Петербургның Халыкара икътисади форумында Башкортстан Башлыгы Радий Хәбиров ВЭБ дәүләт корпорациясенең өлкән вице-президенты Михаил Алашкевич белән Уфада Евразия фән һәм мәгариф үзәгенең студентлар кампусы төзелеше проектының перспективалары турында сөйләште.

"Әлеге проект Башкортстан өчен иң мөһим фәнни-мәгариф проектларының берсе. Ул Уфа университетлары нигезендә бердәм университет булдыру проектына Русия Хөкүмәтеннән ярдәм алырга мөмкинлек бирде. Уфа шундый зур масштаблы объектлар өчен илнең сигез мәйданның берсе итеп сайланды. Без шәһәрнең тарихи үзәгендә кампус төзергә уйлыйбыз.

Торак, мәгариф һәм лаборатория, административ биналар, җәмәгать урыннары комплексы 5000 магистр, аспирант һәм фәнни-педагогик хезмәткәрләрне урнаштыру өчен эшләнә. Беренче чиратта IQ-парк бинасын реконструкцияләргә уйлыйбыз, аның концепциясе Сколково фонды тарафыннан эшләнде. Бу күп катлы бина, анда бизнес зоналары, стартап үзәкләре, шулай ук ​​IT-технопарк, күргәзмә һәм эшлекле зоналар урнашачак. Икенче этап - торак биналар, уку - укыту бүлмәләре, лабораторияләр, геном үзәге, шулай ук ​​иҗтимагый эшчәнлек мәйданнары төзелеше”, - диде Радий Хәбиров.

Чыганак:glavarb.ru

Фото:glavarb.ru