+21 °С
Болытлы
Мәгариф, мәгърифәт
30 Май 2022, 17:53
Уфада - Стандартлар буенча Яшьләр олимпиадасы
1 июньдә Уфада Стандартлар буенча яшьләр олимпиадасының финалы узачак
Уфада - Стандартлар буенча Яшьләр олимпиадасы
Башкортстан башкаласында 2022 елның августында Көньяк Кореяда узачак Халыкара олимпиадада илебез данын яклаячак җыелма команда тупланачак. Чараны Техник көйләү һәм метрология федераль агентлыгы ("Росстандарт"), Башкортстан Мәгариф һәм фән министрлыгы, Башкортстан Сәнәгать, энергетика һәм инновацияләр министрлыгы, шулай ук Башкортстан Республикасы Матбугат һәм киңкүләм мәгълүмат чаралары агентлыгы оештырды.
- Стандартларның яшьләр олимпиадасы табигый-фәнни юнәлештәге уку предметлары буенча тирән белемнәрне генә түгел, чит телләр буенча яхшы белемнәрне дә күз алдында тота, - дип сөйләде мәгариф һәм фән министры Айбулат Хаҗин. - Теләсә нинди Олимпиада мәктәп укучыларында иҗади сәләтләрен һәм фәнни-тикшеренү эшчәнлегенә кызыксыну уятуны күздә тота. Стандартлаштыру буенча халыкара олимпиада укучылар өчен уникаль стандартлаштыру дөньясын тикшерү мөмкинлеге тудырачак.
Ай дәвамында конкурс жюрие «Стандартлар ни өчен кирәк?" дигән темага анкеталар һәм эсселарны бәяләде. Конкурска катнашу өчен 230 гариза килгән. Сайлап алу турына 75 укучы үтте, ә финалда 35 бала катнашачак.
Финалистлар Томск, Саратов, Түбән Новгород өлкәләре, Ямал-Ненец автономияле округы һәм Башкортстан Республикасы данын яклаячак. Финалистлар арасында Амур, Самара, Кемерово, Новосибирск, Төмән өлкәләреннән, Татарстан һәм Чувашия республикаларыннан, шулай ук Ставрополь краеннан һәм Севастополь шәһәреннән уенчылар бар. Финал сынавы 1 июньдә Уфа шәһәрендә узачак.
Фото: рravitelstvorb.ru
