Диктант яздылар

Башкорт дәүләт университетының Сибай институты (филиалы) мәйданчыгында «Башкорт теле буенча халыкара диктант-2022» акциясе офлайн-форматта узды.

Әлеге чараны педагогика факультетының рус, башкорт һәм чит ил филологиясе кафедрасы оештырды.

Башкорт теле буенча халыкара диктант язуда 229 кеше катнашты. Алар арасында башкортлар Корылтае, Сибай, белем бирү учреждениеләре вәкилләре дә бар иде. Катнашучылар 18 яшьтән 57 яшькә кадәргеләр булды.

Башкорт теле буенча халыкара диктантта катнашырга теләүчеләр күп иде.