Башлангыч сыйныфлар 5 көнлек уку атнасына күчте

Бүгеннән башлап республикада башлангыч сыйныф укучылары биш көнлек уку атнасына күчте.

Баймак мәктәпләрендә 1-4нче сыйныф укучыларының биш көнлек уку атнасына күчүе хакында районның мәгариф бүлеге җитәкчесе Илдус Зәйнуллин түбәндәгеләрне бәян итте: “Районда 3851 бала башлангыч сыйныфларда белем ала. Аларның 917се беренче сыйныфта укый. Беренчеләр болай да шимбә көнне ял итәләр иде. Ә 2-4 сыйныфлар, бу 62 мәктәп дигән сүз, 5 көнлек уку атнасына күчте. Бу ата-аналар теләге белән эшләнде.

Уку программасы СанПин нормаларына ярашлы алып барылачак. Биш көн укыйбыз дип, программаны кыскартып булмый. Без аны дәрестән тыш үткәрелгән сәгатьләр белән тулыландырабыз. Алар – физкультура, тирә-як мохитне өйрәнү һәм әдәби укулар”.