"Нур"да премьера!

Уфа «Нур» татар дәүләт театрында Туфан Миңнуллин пьесасы буенча «Ай булмаса, йолдыз бар» спектакле сәхнәгә чыга. Премьерасы 30 сентябрьдә булачак. Режиссеры- театрның баш режиссеры Азат Җиһаншин.

Туфан Миңнуллин пьесалары һәр театр репертуарында аерым урын алып тора. Классик үзенең әсәрләрендә мәңгелек мәхәббәт, әхлакый сайлау һәм көндәлек тормышның заман белән бәрелешү проблемаларын күтәрә. Әлеге спектакль дә кеше табигате, мөнәсәбәтләр һәм язмыш турында тирән уйлану булырга охшаган.